“Walt Disney”-ийн стриминг үйлчилгээг хэрэглэгчдийн тоо шинжээчдийн таамгийг давсан ч тус компани кино болон телевизийн шоунд зарцуулах зардлын төсөөллөө буурууллаа.

“Walt Disney” энэ санхүүгийн жилд кино болон телевизийн шоунд зарцуулах зардлаа нэг тэрбум ам.доллароор бууруулж, 32 тэрбум ам.доллар болгосон байна. Энэ оны эхний улиралд тус компанийн стриминг үйлчилгээг хэрэглэгчдийн тоо дэлхий даяар 137.7 сая хүрчээ. Энэ нь өмнөх оны мөн үетэй харьцуулахад 33 хувиар өссөн үзүүлэлт болж байна.

Хэдий тийм боловч энэ оны хоёрдугаар хагаст хэрэглэгчдийн тоо шинжээчдийн таамаг шиг хурдацтай өсөхгүй байх магадлалтай байгааг тус компани анхаарууллаа.

Дээрх мэдэгдлийн дараа “Walt Disney”-ийн хувьцааны ханш 4.8 хувиар унаад байна.

Б.Аззаяа | @AzzayaaB

Холбоо барих: azzaya.b@bloombergtvmongolia.com

minjma.g@bloombergtvmongolia.com