Автомашин үйлдвэрлэлээр дэлхийд тэргүүлэгч “Toyota Motor” компани хоёрдугаар сарын гарцаа 20 хувиар бууруулахаар болсныг “Nikkei” агентлаг мэдээллээ.

Өөрөөр хэлбэл дээрх хугацаанд тус компани 700 мянган нэгж автомашин үйлдвэрлэхээр тооцоолсон байна. Энэ нь 2021 оны мөн үеэс 10 хувиар өссөн дүн болохоор байгаа ч өмнөх тооцооллоос тааруу түвшин болж байна. Цар тахлын улмаас зах зээлд үүссэн хагас дамжуулагчийн хомсдол “Toyota Motor”-ийн үйлдвэрлэл саарахад голлон нөлөөлжээ.

Мөн гол зах зээл болох БНХАУ-д COVID-19-ийн “Omicron” хувилбарын халдварын тархалт эрчимжиж байгаа нь нийлүүлэлтэд хүндхэн тусаж байгаа аж.

М.Эрхэс | @ErkhesMunkhbat

Холбоо барих: erkhes.m@bloombergtvmongolia.com

minjma.g@bloombergtvmongolia.com