АНУ-ын автомашин үйлдвэрлэгч “Tesla Motors” компани IV улиралд 17 мянга 400 автомашин борлуулжээ. Ингэснээр 2015 оны нийт борлуулалт нь 50 мянгыг давж, 50-52 мянган автомашин борлуулна гэсэн жилийн зорилт нь биеллээ олсон байна. Тайланд дурдсанаар “Model S” загварын борлуулалт жилийн дүнгээр 75 хувиар өссөн нь нийт үзүүлэлтэд дэмжлэг болсон аж. Харин 2015 оны есдүгээр сард шинээр танилцуулсан “Model X” загвараас өнгөрсөн улиралд ердөө 208 ширхэг л худалдаалагджээ. Хэдий тийм боловч үүнийг тус компанийн удирдлагууд үйлдвэрлэлийн дундаж хэмжээ цөөн байгаатай холбон тайлбарлаж байгаа юм. Тодруулбал “Tesla” компани долоо хоногт 240 орчим “Model X” загварын автомашин үйлдвэрлэж байна.

Дашрамд дурдахад “Tesla Motors”-ийн хувьцааны ханш өнгөрсөн онд 7.8 хувиар өсч, зах зээлийн үнэлгээ нь 31.4 тэрбум ам.долларт хүрээд байгаа ажээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com