“Tencent Holdings”-ийн удирдлагууд Бээжингээс технологийн салбарт дэмжлэг үзүүлж эхэлтэл тодорхой хугацаа шаардлагатайг анхааруулснаар хувьцааны ханш нь лхагва гарагийн арилжаагаар найман хувиар уналаа.

Үүнээс өмнө БНХАУ-ын Шадар сайд Лю Хэ тус улсын Засгийн газар технологийн салбарт дэмжлэг үзүүлнэ гэж мэдэгдсэн юм. Харин “Tencent Holdings”-ийн удирдлагууд ийнхүү анхааруулсан нь БНХАУ-ын технологийн салбар богино хугацаанд өсөлт үзүүлэхэд хүндрэл учирч магадгүйг харуулж байна.

Хөл хорионы нөлөөгөөр “Tencent Holdings”-ийн цэвэр ашиг энэ оны эхний улиралд 51 хувиар буурч, 3.4 тэрбум ам.доллар болжээ. Энэ нь 2004 онд тус компани олон нийтэд хувьцаагаа санал болгоноос хойших хамгийн тааруу үзүүлэлт болж байна.

Г.Хулан | @KhulanGanzorig

Холбоо барих: khulan.g@bloombergtvmongolia.com

minjma.g@bloombergtvmongolia.com