Швейцарийн цаг үйлдвэрлэгч “Swatch” компани “Visa”-тай хамтарч шинэ төрлийн төлбөрийн систем бүхий цаг худалдаанд гаргахаар боллоо. Швейцарийн алдарт брэнд олны жишгийг дагаж ухаалаг цаг үйлдвэрлэхгүй бөгөөд урчуудын авьяас билэг шингэсэн “Bellamy” цагандаа нэмэлт чип суулгаж төлбөр тооцоонд ашиглах технологийг нэвтрүүлэх юм байна. Ингэснээр ирэх оноос төрөл бүрийн загвар, өнгөний сонголттойгоор, шинээр худалдаанд гаргах цагнуудыг дэлгүүрт байршуулсан тусгай төхөөрөмжтэй ойртуулснаар хоромхон зуур мөнгөн гүйлгээ хийгдэх ажээ. Одоогоор шинээр гаргах цагны үнийн талаар тодорхой мэдээлэл танилцуулагдаагүй байгаа ч “Apple Watch” зэрэг ухаалаг цагнуудаас хямдхан буюу 90 фунт стерлингээр зарагдана гэж таамаглаж байна.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com