Сансрын хиймэл дагуул ашиглан өндөр хурдны интернэтийн үйлчилгээ үзүүлэгч “Space X” компанийн “Starlink” төсөл 2023 оноос Монгол Улсад үйл ажиллагаа явуулахаар төлөвлөж байна.

Хэдийгээр тус компани Монгол Улсын хуулийн этгээдийн бүртгэлд орсон ч үйл ажиллагаа явуулах тусгай зөвшөөрлийн хүсэлтээ Харилцаа холбооны зохицуулах хороонд ирүүлээгүй байгаа аж.

Мөн 2022 оны III улирлаас эхлэн шинээр 30 гаруй улсад үйлчилгээ үзүүлж эхлэхээр ажиллаж байгаагаа цахим хуудсандаа мэдээлсэн байна.

Одоогоор “Starlink” төсөл Австрали, АНУ, Канад, Европын Холбооны зарим хэсгүүдэд интернэтийн үйлчилгээгээ нэвтрүүлсэн байна.

2018 оноос үйл ажиллагаа нь албан ёсоор эхэлсэн “SpaceX” компанийн “Starlink” төслийг хэрэгжүүлэхэд хамгийн багадаа 10 тэрбум ам.доллар зарцуулсан байна. 2025 оноос жилд 30 тэрбум ам.долларын орлоготой ажиллана гэж тооцоолж байжээ.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com