Мобайл төлбөр тооцоо, санхүүгийн үйлчилгээ үзүүлэгч “Square” компани “IPO” гаргаснаар 243 сая ам.долларын санхүүжилт татсан байна. “Bloomberg”-ийн мэдээллийн дагуу нийт 27 сая хувьцааг, урьдчилсан таамгаас хавьгүй доогуур буюу нэгж бүрийг 9 ам.доллараар арилжжээ. “IPO” гаргаснаар тус компанийн зах зээлийн үнэлгээ 2.9 тэрбум ам.доллараар хэмжигдэх болсон аж. “Square” нь ухаалаг гар утас, таблеттай холбосноор картын машиныг орлох жижиг төхөөрөмж үйлдвэрлэж гараагаа эхэлжээ. Гэвч энэ онд цэвэр алдагдал 131 сая ам.доллар болж, өссөнөөр нэмэлт хөрөнгө оруулалт татах шаардлагатай болсон байна. Тус компанийн удирдлага хувьцааны арилжаагаар бүрдүүлсэн хөрөнгийг жижиг компаниудыг худалдаж авах, дотоод үйл ажиллагаагаа сайжруулахад ашиглах төлөвтэй байгаа ажээ.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com