“Sony” компани 2022 онд “Playstation 4”-ийн үйлдвэрлэлээ үргэлжлүүлэхээр боллоо. Энэ нь дэлхий даяар үүссэн хагас дамжуулагчийн хомсдолоос шалтгаалан “Playstation 5”-ийн үйлдвэрлэл буурсантай холбоотой юм байна.

Өнгөрсөн онд тус компани “Playstation 5”-ийн үйлдвэрлэл эхэлснээр “Playstation 4”-ийг үйлдвэрлэхээ зогсоохоор төлөвлөж байгааг эх сурвалж мэдээлж байсан юм. “Playstation 4”-ийг үйлдвэрлэхэд харьцангуй хуучны чип ашигладаг байна.

Мөн үйлдвэрлэлийн өртөг бага тул шинэ загвартай харьцуулахад хэрэглэгчдэд илүү хямдхан сонголт болж байгаа аж.

Г.Хулан | @KhulanGanzorig

Холбоо барих: khulan.g@bloombergtvmongolia.com

minjma.g@bloombergtvmongolia.com