Sony: Ганцхан секундэд 1000 зураг боловсруулах чадвартай технологийг хөгжүүлнэ
Японы “Sony” корпораци нэг секундэд 1000 зураг боловсруулах чадвартай технологийг хөгжүүлэхээр “Nissan Motor” компани болон Токиогийн их сургуультай хамтран ажиллаж байна. Энэхүү технологийн давуу тал нь өөрөө жолоодлоготой автомашинд замын аюул ослоос сэргийлэх мөн үйлдвэрийн роботуудын бүтээмжээ нэмэгдүүлэх зэрэг боломжийг олгоно. “Sony”-ийн Ерөнхийлөгч Казуо Хирай нь ахуйн хэрэглээний цахилгаан бараа, видео тоглоомоос гадна эд анги үйлдвэрлэлийн салбарт зах зээлийн хувь хэмжээгээ тэлэх бодлого баримталж байгаа юм. Одоогоор тус компани 8.7 тэрбум ам.доллараар үнэлэгдэх мэдрэгч үйлдвэрлэлийн зах зээлийн 40 орчим хувийг эзэмшдэг байна. Хэдий тийм боловч салбарын шинжээчид энэхүү зах зээл 2019 он гэхэд 12 тэрбум ам.доллар болж тэлнэ гэсэн таамгийг дэвшүүлээд байгаа ажээ.
Э.Эрдэнэтуяа
Холбоо барих: erdenetuya.e@bloombergtvmongolia.com
minjma.g@bloombergtvmongolia.com