Японы “Softbank Group”-ийн нэгж болох “Vision Fund”-ийн алдагдал шинэ дээд цэгт хүрлээ.

Зах зээлд технологийн компаниудын хувьцааны ханш эрс буурч байгаа энэ үед “Softbank Group”-ийн хөрөнгө оруулсан компаниудын үнэлгээ эрс буурч байгаа юм. “Vision Fund”-ийн хувьд оны эхний улиралд 2.64 их наяд иен буюу 20.5 тэрбум ам.долларын алдагдал хүлээсэн байна. Өнгөрсөн онд 4.03 их наяд иений ашигтай ажиллаж байжээ.

Түүнчлэн “Softbank Group”-ийн хөрөнгө оруулалттай “Uber Technologies”, “Didi Global”, “Coupang” тэргүүтэй технологийн компаниудын хувьцааны ханш эрс буурсан үзүүлэлттэй байна.

2022 он гарсаар “Softbank Group”-ийн хувьцааны ханш 17 хувиар унажээ.

Г.Хулан | @KhulanGanzorig

Холбоо барих: khulan.g@bloombergtvmongolia.com

minjma.g@bloombergtvmongolia.com