“Samsung Electronics” компани хэрэглэгчдийн хүсээгүй апприкейшнийг програм хангамжиндаа суулгаж, устгахад төвөгтэй болгодог гэж БНХАУ-ын иргэд гомдол мэдүүлж, шүүхэд хандсан байна. “Samsung Electronics”-ийн програм хангамжид суулгасан олон аппликейшн хэрэглэгчдийн хэрэгцээнд тийм ч их нийцдэггүйгээс гадна том багтаамжтай учраас төхөөрөмжид их зай эзэлдэг гэж иргэд зарга мэдүүлжээ. Судалгаанаас харахад “Galaxy Note 3” гар утас л гэхэд хэрэглэгчдийн гар дээр шинээр ирэхдээ 44 аппликейшнтай ирдэг байна. Тэдгээрийг устгаж болдоггүй нь хамгийн их хүндрэлийг дагуулдаг гэж хэрэглэгчид үзэж байгаа юм. Үүнээс гадна БНХАУ-ын “Oppo” компанийг “Samsung Electronics”-тэй ижил хэрэгт буруутгаж байна. Тухайлбал “Oppo”-ийн гар утсанд 47 аппликейшнийг урьдчилж суулгадаг нь хэрэгцээнд хүндрэл учруулж байна гэж иргэд үзжээ. Харин “Samsung Electronics” болон “Oppo” компаниуд мэдүүлгэд зохих албан ёсны хариуг өгнө гэж мэдэгдсэн байна.

О.Анударь

Холбоо барих: anudari.o@bloombergtvmongolia.com

minjma.g@bloombergtvmongolia.com