Ашиг нь 80 хувь өссөн тухай тайлагнасны дараа “Samsung” компанийн хувьцааны ханш сүүлийн зургаан жил гаруй хугацаанд харагдаагүй өндөр хэмжээгээр өслөө. Ердөө нэг өдрийн арилжааны дүнд тус компанийн зах зээлийн үнэлгээ 13 тэрбум ам.доллараар нэмэгдсэн байна. Ингэснээр энэ онд зах зээлийн үнэлгээнээсээ алдсан дүнгийнхээ талтай тэнцэх хэмжээний өсөлтийг нэг өдөрт олж авсан гэсэн үг болж байна. Хэдийгээр “Samsung” ухаалаг гар утасны зах зээлд тэргүүлэх байр суурьтай байгаа ч “Apple” болон “Xiaomi” тэргүүтэй ухаалаг гар утас үйлдвэрлэгч компаниудад зах зээл дэх байр сууриа алдах эрсдэлтэй болоод байсан юм. Үүнээс шалтгаалан долоон улирал дараалан санхүүгийн нөхцөл байдал нь муудаж, энэ хэмжээгээр хувьцааныхаа үнэлгээг алдаад байсан юм.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com