Цахилгаан автомашин үйлдвэрлэгч “Rivian” компанийн хувьцааны ханш өнгөрсөн оны 11 дүгээр сараас хойших хамгийн өндөр дүнгээр буурлаа.

“Rivian”-ийн гол хөрөнгө оруулагч “Amazon” компани өрсөлдөгч “Stellantis” компаниас хүргэлтийн автомашин худалдан авах гэрээ хийсэн нь ханшийн уналтад нөлөөлжээ. Шинээр захиалсан автомашинуудын эхний нийлүүлэлтийг ирэх онд хийхээр байгааг “Stellantis” компани мэдээлсэн байна.

“Amazon” 2019 онд “Rivian”-аас 100 мянган цахилгаан автомашин захиалж байжээ. “Rivian” компани “Amazon”-той хийсэн гэрээ хэвээр үргэлжилнэ гэж мэдэгдээд байгаа юм.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com