Шинэ төрлийн “коронавирус”-ийн халдварын эсрэг вакцин гарган авах ажилд хамтран ажиллаж буй “Pfizer” болон “BioNTech” компани вакцинаа хүний бие дээр турших эмнэл зүйн туршилтыг эхлүүлэх зөвшөөрлөө ХБНГУ-ын холбогдох байгууллагуудаас авсан байна.

Энэ нь Герман улсын хувьд шинэ төрлийн “коронавирус”-ийн вакцины клиникийн туршилтыг зөвшөөрсөн анхны тохиолдол боллоо. Дээрх хоёр компани 18-55 насны, эрүүл 200 хүнд вакцин турших зөвшөөрөл авсан байна. Дараагаар нь буюу хоёрдугаар шатанд өндөр эрсдэлтэй сайн дурынханд туршилт явуулахыг зөвшөөрчээ.

Энэхүү мэдээллийн дараа “BioNTech”-ийн хувьцааны ханш Франкфуртын биржид 63 хувиар өслөө. “Pfizer” болон “BioNTech” компани удахгүй АНУ-д зөвшөөрөл авахаа мэдэгдээд байна.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com