АНУ-ын эм үйлдвэрлэгч “Pfizer” компани хавдрын эсрэг эм үйлдвэрлэгч Канадын “Trillium Therapeutics”-ийг 2.3 тэрбум ам.доллароор худалдан авахаар боллоо.

“Pfizer” компани “Trillium Therapeutics”-ийн нэгж хувьцааг 18.5 ам.доллароор худалдаж авах юм байна. Энэ нь хувьцааных нь дундаж ханшаас 118 хувиар өндөр дүн болжээ. Өнгөрсөн оны есдүгээр сард “Pfizer” тус компанийн 25 сая ам.долларын үнэ бүхий хувьцааг худалдан авч байсан юм.

Австралийн түлшний салбарт үйл ажиллагаа явуулдаг “Ampol” компани Шинэ Зеландын “Z Energy “компанийг 1.4 тэрбум ам.доллароор худалдан авах санал тавьсан байна. Ийнхүү тус компани Шинэ Зеландын томоохон компанийг өөртөө нэгтгэх алхам боллоо. Энэхүү мэдэгдлийн дараа “Z Energy” компанийн хувьцааны ханш 19 хувиар өсөөд байна.

Хөрөнгө оруулалтын “KKR” компани Австралийн эрчим хүчний “Spark Infrastructure” компанийг 3.7 тэрбум ам.доллароор худалдан авахаар болсон байна. Тус компанийн хувьцааг нэгж бүрийг нь хаалтын ханшнаас нь 13.5 хувиар илүү үнэлж, 2.95 австрали доллароор худалдан авахаар болжээ.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com