Газрын ховор элементийн "Хотгор" төслийн 80 хувийг эзэмшдэг “Temarise” компанийн 30 хувийг “Parabellum Resources” компани авах хэлцэл хийснээр Монголд нэгэн шинэ тоглогч нэмэгдэж байна.

Тухайлбал: “Parabellum Resources” компани Их Британийн “Temarise” компанийн 30 хувийг 3.9 сая австрали доллароор худалдан авч байгаа аж. Төлбөрийг дөрвөн транчаар хийх бөгөөд 2023 оны нэгдүгээр сарын нэгэнд төлбөрийг бүрэн хийж гүйцэтгэхээр байна. Хувь эзэмших болсон “Хотгор” төсөл нь газрын ховрын элементийн хэмжээгээр дэлхийд тэргүүлэх нөөцүүдийн нэг гэдгийг тодотгож байгаа юм.

Өмнөговь аймгийн Цогт овоо суманд байрлах “Хотгор” төсөл нь газрын гадаргатай ойр 20 метрийн гүнээс эрдэсжилт илрүүлжээ. Одоогоор 200 метр гүн өрөмдлөг хийсэн байна. Төсөлд хувь эзэмшигч Монголын “Khotgor Minerals” тус төслийн лицензийг 2010 онд 30 жилийн хугацаагаар авсан аж. Энэхүү лиценз нийт 20 км квадрат газар нутгийг хамарч байна.

Ж.Зоригт | @TeraReader

Холбоо барих: zorigt.j@bloombergtvmongolia.com

minjma.g@bloombergtvmongolia.com