Таван жилийн өмнө “IndieGogo”-оор дамжуулан амжилттай хөрөнгө босгосон “Panono” компани бүтээгдэхүүнээ зах зээлд гаргахад бэлэн боллоо. 360 хэмийн хэмжээсээр буюу объектын бүх талын зургийг буулгахын дээр дээш шидэж зураг дардаг уг камер энэ төрлийн контентийн салбарт шинэчлэлийг авчирна гэж тооцогдож байсан юм. Хэдий тийм боловч 1500 ам.доллараар худалдаанд гарах бөмбөлөг хэлбэртэй энэ камерт хангалттай зах зээл байхгүй байж мэдэхээр байна. “Google”-ийн “Cardboard Camera” гэх апп ухаалаг гар утасны камерыг ашиглан 360 хэмийн зураг дарах боломжийг нээсэн бол “LG”-ийн "360 Cam" 16 мегапикселийн нягтаршилтай бөмбөлөг зураг авдаг. Энэ камерын зах зээлд зарагдах үнэ 199 ам.доллараар хэмжигдэж байна.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com