OPEC-ийн Өргөтгөсөн бүлэг уулзалтаараа ирэх есдүгээр сард гарцаа өдрийн дүнгээр 100 мянган баррелиар нэмэгдүүлэх шийдвэр гаргалаа. Өөрөөр хэлбэл өмнөх саруудаас ч бага дүнгээр нэмэгдүүлж байна.

Өргөтгөсөн бүлгийн гишүүн орнуудаас Саудын Араб болон Арабын Нэгдсэн Эмират улс л олборлолтоо нэмэгдүүлэх боломжтой байгаа аж. Харин Ливи, Ангол зэрэг улсын гарц эрс буураад байгаа юм. АНУ-ын Ерөнхийлөгч Жо Байден газрын тосны үнийн өсөлтийг бууруулах чиглэлд ихээхэн анхаарлаа хандуулж байна.

OPEC-ийн Өргөтгөсөн бүлэг долоодугаар болон наймдугаар сард өдөрт 600 мянган баррель газрын тос нийлүүлнэ гэж амлаж байв. Энэхүү мэдэгдлийн дараа газрын тосны үнэ дөрвөн хувиар буурч, баррель нь 90.6 ам.доллар хүрлээ. Өөрөөр хэлбэл хоёрдугаар сараас хойших хамгийн доод түвшинд хүрээд байгаа юм.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com