Чип болон компьютерын график карт үйлдвэрлэлээрээ дэлхийд тэргүүлэгч “Nvidia” компани өөрөө жолоодлоготой автомашинд зориулсан шинэ компьютерыг “CES 2016” үзэсгэлэнгийн үеэр танилцууллаа. “Drive PX 2” хэмээх энэхүү компьютер нь хүчин чадлын хувьд “Apple”-ийн 150 ширхэг “Macbook Pro” компьютертэй тэнцэх юм байна. Дэлхийн хэмжээнд компьютерын борлуулалт буурч байгаатай холбоотойгоор “Nvidia” компани бусад салбарт ялангуяа автомашины салбарт үйл ажиллагаагаа өргөжүүлэх стратеги баримталж байгаа аж. Тиймээс эхний удаад өөрөө жолоодлоготой автомашины төсөл дээр “Volvo” компанитай хамтарч, шинэ компьютерыг туршихаар тохиролцжээ. Шинэ автомашины туршилт 2017 онд хийгдэхээр төлөвлөгдөж байгаа юм байна.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com