(Bloomberg) -- Есдүгээр сард Их Британид анх удаа орон сууц худалдан авагчдын 50 гаруй хувь нь өмнө нь төлж байсан түрээсийн төлбөрөөсөө илүү хэмжээний мөнгийг ипотекийн зээлийн сарын төлбөрт төлж байгааг үл хөдлөх хөрөнгө зуучлалын “Hamptons” агентлагийн мэдээлэл харууллаа. Тодруулбал: есдүгээр сард шинээр орон сууц худалдан авагчдын 56 хувь нь өмнөх сарын түрээснээсээ өндөр төлбөрийг зээлд төлжээ. Тэд дунджаар 52 ам.доллароор илүү төлж буйг тооцоолсон байна. Энэ нь сүүлийн 10 орчим жилийн хугацаанд бүртгэгдсэн хамгийн өндөр үзүүлэлт болж байгаа аж.

АНУ, Ираны дайн эхэлснээс хойш инфляц болон эрчим хүчний үнэ өссөний улмаас Их Британийн ипотекийн зээлийн хүү нэмэгдээд байгаа юм.

Таван жилийн хугацаанд хүү нь тогтмол байх нөхцөлтэй ипотекийн зээлийн дундаж хүү энэ сард зургаан хувьд хүрсэн нь сүүлийн гурван жил орчмын хугацаанд анхны тохиолдол болсныг “Moneyfacts” мэдээлсэн байна.