(Bloomberg) -- БНХАУ-ын эрэлт сэргэж буй дохио ажиглагдаж, Чилийн уурхайд нийлүүлэлт тасалдах эрсдэл нэмэгдсэнээр зэсийн үнэ энэ долоо хоногийг ногоон бүсэд хаах төлөвтэй байна. Баасан гарагт Лондоны Металлын биржид зэсийн фьючерс ханш 1.2  хувиар чангарч, тонн нь 14,474 ам.доллар хүрлээ. Ингэснээр зэсийн үнэ энэ долоо хоногийг 1.5 хувь орчмын өсөлттэй үдэх төлөвтэй байна.

БНХАУ-ын гол түүхий эдийн бирж пүрэв гарагт арилжаагаа нээсэн нь зэсийн үнэд дэмжлэг боллоо. Долоо хоногт үргэлжилсэн бүх нийтийн амралтын дараа зэсийн нөөц бага түвшинд байгаа тул ойрын хэдэн долоо хоногт худалдан авалтаа эрчимжүүлэх төлөвтэй байна. Ингэснээр БНХАУ-ын импортын эрэлтийг хэмждэг үзүүлэлт сүүлийн долоон жилийн дээд түвшинд хүрчээ.

Арилжаанд оролцогчид мөн Чилийн томоохон уурхай дахь ажил хаялтад анхаарлаа хандуулж байна. Энэ нь үргэлжилбэл хоёр долоо хоногийн дотор олборлолтод нөлөөлж эхлэх юм.

БНХАУ-ын зах зээлд нээгдсэн ч төмрийн хүдрийн үнэ эсрэгээрээ гурав дахь долоо хоногтоо дараалан буурах төлөвтэй байна.

Нийлүүлэлт хангалттай, эрэлтийн төлөв сул хэвээр буй тул баасан гарагт Сингапурын биржид төмрийн хүдрийн фьючерс 0.9 хүртэл хувиар буурч, 2024 оны есдүгээр сараас хойших доод түвшинд хүрлээ. Сүүлийн байдлаар тонн нь 90 ам.доллароор арилжаалагдаж байна.