(Bloomberg) -- “Taiwan Semiconductor Manufacturing” буюу “TSMC” компанийн III улирлын борлуулалтын орлого 51 хувиар өслөө. Энэ нь дэлхийн хиймэл оюуны дэд бүтцийн бүтээн байгуулалтын тогтвортой байдлыг үнэлж буй хөрөнгө оруулагчдад эерэг дохио болж байна. Тодруулбал: есдүгээр сараар эцэслэсэн улирлын борлуулалтын орлого нь 46.7 тэрбум ам.доллар хүрчээ. Энэ нь шинжээчдийн дундаж таамгаас хоёр хувиар өндөр үзүүлэлт боллоо.

Хиймэл оюуны эрэлт эрс өсөж буйтай холбоотойгоор “TSMC” Аризонад 265 тэрбум ам.доллароор кампус байгуулахаар төлөвлөөд байгаа аж.

Үүнээс гадна Техаст үйлдвэрлэлээ цаашид өргөжүүлэх боломжийг судалж байна. Энэ оны эхний хагаст Хойд Америкийн харилцагчид компанийн нийт борлуулалтын 75 гаруй хувийг бүрдүүлжээ.