(Bloomberg) -- Цагаан ордон Пентагоноос Ираны эсрэг цохилт өгөх хувилбарууд боловсруулахыг хүссэн гэх мэдээлэл гарснаар газрын тосны үнэ өслөө.

Сүүлийн байдлаар брент төрлийн газрын тосны ханш нэг хувиар чангарч, баррель нь 101 ам.доллар давав. Мөн WTI төрлийн газрын тосны үнэ ойролцоо дүнгээр өсөж, баррель нь 89 ам.доллароор арилжаалагдаж байна.

АНУ-ын Ерөнхийлөгч Дональд Трамп ирэх сарын завсрын сонгуулиас өмнө Техраны эсрэг халдлагыг эрчимжүүлж магадгүй талаар "The Atlantic" агентлагт эх сурвалжууд мэдээлжээ. Эхний ээлжид бага хэмжээний цохилт өгч, завсрын сонгуулийн дараа илүү өргөн хүрээний цэргийн ажиллагаа явуулах хувилбар ч яригдаж буйг дурдсан байна.