(Bloomberg) -- Таваарын нэгжийн арилжааны ашиг нь энэ онд таван тэрбум ам.доллар давах төлөвтэйг “Glencore” компани мэдээллээ. Таван тэрбум ам.доллар давбал ОХУ Украинд бүрэн хэмжээний довтолгоо эхлүүлж, эрчим хүчний зах зээлд огцом савлагаа үүссэн 2022 оны дээд амжилтаас нь хойших хамгийн өндөр үзүүлэлт болох юм.

Газрын тос, боловсруулсан бүтээгдэхүүн, байгалийн хий болон тээврийн зах зээлд гарсан томоохон өөрчлөлт арилжааны ашгийг нь дэмжиж буйг тус компани тодотголоо.

Мөн Ираны дайн эрчим хүчний үнийн хэлбэлзлийг нэмэгдүүлж, бүс нутгийн зах зээлүүдийн хооронд үнийн зөрүү үүсгэсэн нь 2026 онд таваарын арилжаа эрхлэгчдийн орлогыг өсгөж байна. 

Ормузын хоолойн хөдөлгөөн доголдсоноор тээврийн зардал нэмэгдсэнээс гадна зэс, нүүрсний үнийн өсөлт “Glencore”-ийн ашигт ажиллагаанд нэмэлт дэмжлэг болсон байна. Лондоны биржид “Glencore” компанийн хувьцааны ханш 2.9 хүртэлх хувиар өслөө.