(Bloomberg) -- Дональд Трампын засаг захиргаа 10-30 жилийн хугацаатай бондуудыг эргүүлэн худалдан авах хэмжээг нэмэгдүүлэхээ зарласнаар лхагва гарагт ам.долларын ханш тавдугаар сарын дунд үеэс хойших доод түвшинд хүрлээ.

“Bloomberg”-ийн ам.долларын индекс 0.8 хувиар буурч, тавдугаар сарын 12-ноос хойших доод түвшинд хүрээд байна. Энэ нь АНУ-ын Сангийн яам урт хугацаат өрийн худалдан авалтаа эрчимжүүлэхээ мэдээлснээр 2007 оноос хойших дээд түвшинд хүрээд байсан Засгийн газрын бондуудын өгөөж буурсантай холбоотой аж. Ингэснээр ам.долларын ханш голлох бүх валютын эсрэг суларсан юм. Тэр дундаа иений эсрэг нэг хүртэлх хувиар сулраад байна.

“Citigroup” болон “Deutsche Bank”-аас АНУ-ын Сангийн сайд Скотт Бессентийн шийдвэр нь ойрын хугацаанд ам.долларын ханш унахад нөлөөлнө гэж үзэж байна.