(Bloomberg) -- Газрын тос боловсруулах үйлдвэрүүдийг нь чиглэсэн Украины цохилтууд дотоодод шатахууны ноцтой хомсдол үүсгэснээр ОХУ алс холын БНЭУ-аас шатахуун импортолж эхэлжээ.

“Kpler”-ийн датанаас харвал ОХУ Энэтхэгээс анх удаа автобензин импортолж, эхний тээвэрлэлтийг наймдугаар сарын таванд хүлээн авсан байна. 

"Rosneft" компанийн хөрөнгө оруулалттай БНЭУ-ын газрын тос боловсруулалтын “Nayara Energy” компани нийлүүлэлтийг гүйцэтгэсэн бөгөөд бүтээгдэхүүнийг хэд хэдэн танкер хөлөг онгоцоор тээвэрлэж, Египетийн эргийн ойролцоо шилжүүлэн ачжээ.

Нийлүүлэлтийн одоогийн тасалдал шатахууны зах зээлийг хумьж, тэргүүлэх экспортлогчдын нэг ОХУ дотоодын хэрэглээгээ хамгаалахын тулд бензин болон дизель түлшний экспортоо дийлэнхийг нь зогсоосон юм.

“EA Analytics”-ийн тооцоолсноор ОХУ-ын газрын тос боловсруулалтын хэмжээ долоодугаар сард хоногт 3.6 сая баррель байсан нь улирлын хэвийн түвшнээс 30 гаруй хувиар бага үзүүлэлт юм.

Киев өнгөрсөн долоо хоногт ОХУ-ын таван үйлдвэр, энэ долоо хоногт дахин хоёр үйлдвэрийг онилсон цохилт өгсөн байна.