(Bloomberg) -- АНУ-ын Эрчим хүчний яам Ираны дайнаас үүдэлтэй газрын тосны нийлүүлэлтийн алдагдал 2027 он дуустал өдрийн 600 мянган баррель хүрнэ гэж тооцоолж байна.

Энэ оны II улиралд Ормузын хоолойгоор өдөрт дунджаар 4.9 сар баррель газрын тос тээвэрлэгдсэн гэж тус яамнаас тооцоолжээ. Энэ нь 2025 оны сүүлийн улиралд дунджаар 21.6 сая баррелийг тээвэрлэж байсантай харьцуулахад дөрөв дахин бага дүн юм.

Үүнээс гадна АНУ-ын Эрчим хүчний яамнаас брент төрийн газрын тосны 2026 оны үнийн төсөөллөө зургаан хувиар өсгөж, баррель нь 86 ам.доллар хүргэлээ. Харин ирэх оноос стратегийн нөөц нэмэгдэж, олборлолт сэргэснээр баррель нь 69 ам.доллар болно гэж үзэж байна.

Ормузын хоолойг нээх хүчин чармайлтыг арилжаанд оролцогчид ажиглаж буй энэ үед газрын тосны үнэ тав дахь өдрөө дараалан өсөлтөө хадгалж буй.

Өмнөх таван өдөрт 12 хувиар өссөний дараа брент төрлийн газрын тосны ханш сүүлийн байдлаар 0.3 хувиар чангарснаар баррель нь 89 ам.доллар хүрээд байна. Мөн WTI төрлийн газрын тосны үнэ 0.4 хувиар өсөж, баррель нь 83 ам.долларт тогтворжлоо.