Газрын тос боловсруулах үйлдвэрийн бүтээн байгуулалт 60 хувийн гүйцэтгэлтэй байна. Ерөнхий сайд төслийн талбайд ажиллаж, үйлдвэрийг 2028 онд  ашиглалтад оруулахын тулд  тулгамдсан асуудлуудыг цаг тухайд нь  шийдвэрлэх үүднээс дэргэдээ ажлын хэсэг байгуулж ажиллахаа мэдээллээ.

Үйлдвэрийн хувьд тулгамдаж буй хэд хэдэн асуудал байгаагаас ашиглалтад орох үед түүхий эдийн хангамжийн асуудалд эн тэргүүнд анхаарах шаардлагатай. Үйлдвэр жилд 1.5 сая тонн түүхий тос боловсруулж, дотоодын хэрэглээний 55 орчим хувийг хангах боломжтой. Гэтэл сүүлийн жилүүдэд газрын тосны олборлолт буурсаар байгаа аж. Иймд хайгуулыг эрчимжүүлж, олборлолтыг нэмэгдүүлэхэд хувийн хэвшилтэй хамтран ажиллах шаардлагатайг онцолж байна.

Мөн компанийн санхүүгийн дарамтыг бууруулж, Аж үйлдвэрийн парк хэлбэрээр хөгжүүлэх боломж бүрдүүлэх, эрчим хүчний найдвартай, тасралтгүй эх үүсвэрээр хангах шаардлагатай. Түүнчлэн газрын тос боловсруулах үйлдвэрт ажиллах нарийн мэргэжлийн туршлагатай боловсон хүчнийг бэлтгэхэд анхаарал хандуулахыг Засгийн газарт танилцууллаа.