“Тавантолгой” ХК 2026 оны эхний хагас жилд 1.4 орчим их наяд төгрөгийн борлуулалтын орлоготой ажилласан нь өмнөх оны мөн үеэс долоо дахин өссөн дүн боллоо.

Тайлант хугацаанд цэвэр ашиг нь 488.2 тэрбум төгрөг хүрч, өмнөх оны мөн үеэс 7.6 дахин, 2025 оны нийт гүйцэтгэлээс 2.6 дахин өссөн байна. Мөн 2025 оны эхний хагаст тус компани гадаад валютын ханшийн зөрүүнээс 11.2 тэрбум төгрөгийн олзтой ажиллаж байсан бол энэ оны эхний хагас жилд дээрх үзүүлэлт 3.8 дахин агшжээ. 

Энэ оны эхний хагаст Монголын Хөрөнгийн биржээр дамжуулан хийсэн нүүрсний арилжааны нийт үнийн дүнгийн 25.84 хувь буюу 746.09 тэрбум төгрөгийн арилжааг “Тавантолгой” ХК-ийнх бүрдүүлжээ. Тухайн хугацаанд дуудлага худалдаагаар арилжсан нүүрсний үнийн өсөлтийн дундаж 9.51 хувь  байсан ба худалдагч компаниуд дээрх үнийн өсөлтөөс нийт 403.42 тэрбум төгрөгийн нэмэлт орлого олсон гэж Монголын Хөрөнгийн бирж мэдээлсэн юм.