(Bloomberg) -- “OpenAI” компани IPO хийх хугацаагаа 2027 он хүртэл хойшлуулж магадгүйг эх сурвалжууд мэдээллээ. “OpenAI”-д зөвлөгөө өгч буй банкнууд технологийн компаниудын хувьцаа сүүлийн үед өндөр савлагаатай байгааг анхааруулсан байна. Мөн “SpaceX”-ийн түүхэн дэх хамгийн өндөр дүнтэй IPO-ийн дараа хөрөнгө оруулагчдын идэвх суларсан байх магадлалтай гэж үзэж байна.

“OpenAI” үнэт цаасны танилцуулгаа зургаадугаар сарын есөнд АНУ-ын Үнэт цаас, биржийн хороонд хаалттай хэлбэрээр өгснөөс хойш IPO нь ирэх намар болно гэсэн хүлээлт үүссэн юм.

Үүнээс гадна АНУ-ын Засгийн газар “OpenAI”-д удахгүй танилцуулах GPT-5.6 хиймэл оюуны хүчирхэг шинэ загвараа нийтийн хэрэглээнд нэвтрүүлэхээс өмнө эхний ээлжид хязгаарлагдмал хүрээнд гаргах хүсэлт тавьсныг эх сурвалжууд мэдээлжээ.

Эрх баригчид хоёр долоо хоногийн өмнө “Anthropic”-ийн шинэ хиймэл оюуны загварт мөн хязгаарлалт тавьсан юм.

“OpenAI”-ийн Гүйцэтгэх захирал Сэм Олтмэний хувьд хиймэл оюуны хэт хүчирхэг загваруудад болгоомжтой хандаж, Засгийн газартай хамтран ажиллана гэсэн байр суурь илэрхийлжээ.