(Bloomberg) -- АНУ-ын засаг захиргааны тушаалаар “Anthropic” компани дэвшилтэт хиймэл оюуны загварууд болох “Fable 5” болон “Mythos 5” руу гадаадын иргэд нэвтрэх эрхийг хязгаарлалаа.

Үндэсний аюулгүй байдлын үүднээс Дональд Трампын засаг захиргаа хиймэл оюуны дэвшилтэт технологи гаднын иргэдийн гарт орохоос сэргийлж энэ шийдвэрийг гаргасан байна.

Өөрийгөө хариуцлагатай хиймэл оюун хөгжүүлэгч хэмээн тодорхойлсоор ирсэн “Anthropic” нь “Mythos” загвараа  анх дөрөвдүгээр сард хязгаарлагдмал хэлбэрээр гаргаж, цөөн тооны компани, байгууллагад ашиглуулж байсан юм. Хэдий тийм боловч дээрх хиймэл оюуны моделийн кибер аюулгүй байдлын сул талуудыг илрүүлэх чадвар нь илүү өргөн хүрээнд түгээхэд хэтэрхий эрсдэлтэй болгож байгааг анхааруулж байв.