2026 оны төсвийн төсөлд нийт 579 төсөл, арга хэмжээг улсын төсвийн хөрөнгө оруулалтаар санхүүжүүлэхээр тусгасны хоёр их наяд төгрөгийн төсөвт өртөгтэй 136 төсөл, арга хэмжээний анх батлагдсан төсөвт өртөг 805 тэрбум төгрөгөөр нэмэгдсэн.

Мөн сүүлийн гурван жилийн хугацаанд улсын төсвийн хөрөнгө оруулалтаар санхүүжүүлэхээр тусгасан нийт төсөл, арга хэмжээний давхардлыг арилгаж үзэхэд 522 төсөл, арга хэмжээний анх батлагдсан төсөвт өртөг энэ оны байдлаар 1.9 их наяд төгрөгөөр нэмэгдсэн дүнтэй байна.

Ийнхүү төслүүдийн хэрэгжилт удааширч төсөвт өртөг нэмэгдэж байгаа нь улсын төсөвт дарамт болж, шинэ төсөл арга хэмжээ санхүүжүүлэх боломжийг хязгаарлаж байна. Тиймээс төсвийн бодлогын өөрчлөлт хийж, нийгэм эдийн засгийн ач холбогдолтой төслүүдийг санхүүжүүлэх орон зай гаргах шаардлагатайг УИХ-ын гишүүд тодотголоо.