2026 оны эхний дөрвөн сард “Түмэн шувуут” ХК 42.4 тэрбум төгрөгийн борлуулалтын орлоготой ажилласан нь өмнөх оны мөн үеэс 50 хувиар өссөн дүн болж байна. Тайлант хугацаанд тус компанийн үйлдвэрлэсэн өндөг 74.9 сая ширхэг болж, 49 хувиар өссөн бол тэжээл үйлдвэрлэл нь 17.1 мянган тонн хүрч, 35 хувиар нэмэгджээ.

"Хүнсний хувьсгал" хөтөлбөрийн үр дүнд шувууны аж ахуй эрхлэгчид үйлдвэрлэлийн тоо хэмжээгээ эрчимтэй нэмэгдүүлж, өндөгний салбар дотоодын хэрэгцээгээ бүрэн хангах хүчин чадалд хүрээд буй.

"Дотоодын үйлдвэрлэгчид хооронд өрсөлдөөн бий болж, бүтээгдэхүүний чанар, харилцагчийн үйлчилгээгээр өрсөлддөг болж буй"-г “Түмэн шувуут” ХК-ийн Гүйцэтгэх захирал Ж.Болд онцолж байна.