(Bloomberg) -- “Nissan Motor” компани БНХАУ-ын “Dongfeng Motor Group” компанитай хамтран үйлдвэрлэсэн цахилгаан автомашинаа Канад руу экспортлохоор судалж байна.

Өнгөрсөн нэгдүгээр сард Канадын Засгийн газар БНХАУ-д үйлдвэрлэсэн цахилгаан автомашинд тавьсан хязгаарлалтын хоригоо цуцалж, жилд 49 мянган нэгж автомашин импортлохыг зөвшөөрөөд байгаа юм.

Мөн “Nissan Motor” компани Бразил, Мексик зэрэг хэд хэдэн зах зээлийн эрэлтийг хангахаар хямд өртөгтэй цахилгаан автомашин нийлүүлэх зорилт тавьсныг компанийн Америкийн бүсийг хариуцсан төлөөлөгч мэдэгджээ.