(Bloomberg) -- БНХАУ оффшор бондын зах зээлд оролцоогоо нэмэгдүүлэхийн зэрэгцээ уур амьсгалын өөрчлөлтийн эсрэг санхүүжилт босгох зорилгоор ирэх долоо хоногт Хонконгт зургаан тэрбум юань буюу ойролцоогоор 882 сая ам.доллартой дүйцэх Засгийн газрын ногоон бонд гаргахаар төлөвлөж байна.

Энэхүү өрийн хэрэгсэл нь Хонконгт гаргаж буй БНХАУ-ын Засгийн газрын анхны ногоон бонд болох бөгөөд тавдугаар сарын 25-наас эхлэх долоо хоногт арилжаалагдана гэж тус улсын Сангийн яам мэдэгдлээ. Харин бондын нөхцөлийг арилжааны өмнө танилцуулах юм байна.

БНХАУ анхны оффшор юаниар нэрлэсэн Засгийн газрын ногоон бондоо өнгөрсөн оны дөрөвдүгээр сард Лондонд гаргаж, зургаан тэрбум юань татан төвлөрүүлж байв. Татан төвлөрүүлсэн хөрөнгийг хүлэмжийн хийн ялгарлыг бууруулах, биологийн олон янз байдлыг хамгаалах болон бохирдлын хяналт зэрэг төсөл, үйл ажиллагаанд зарцуулахаар төлөвлөсөн байна.