(Bloomberg) -- ОХУ-ын рубль энэ улиралд ам.долларын эсрэг хамгийн өндөр өсөлттэй валютад тооцогдож байна. Үүнд Ойрх Дорнод дахь дайн эхэлснээс хойш тус улсын газрын тосны экспортоос олох валютын орлого эрс нэмэгдсэн нь дэмжлэг болжээ.  

“Bloomberg”-ийн нэгтгэсэн дата үзүүлэлтээс харахад рублийн ханш дөрөвдүгээр сарын эхэн үеэс хойш ойролцоогоор 12 хувиар чангарч, ам.доллар 72.6 рубльтэй дүйцэх түвшинд хүрсэн байна.

Энэ нь 2023 оны хоёрдугаар сараас хойших хамгийн өндөр үзүүлэлт болж байгаа юм. Ингэснээр рублийг хоёр дахь жилдээ дараалан суларна гэж таамаглаж байсан ОХУ-ын Төв банк болон эдийн засагчдын төсөөллөөс зөрж байна.

Бодлогын хүү өндөр түвшинд, мөн импорт сул байгаатай холбоотойгоор тус улсад гадаад валютын эрэлт сул хэвээр байгаа ба импортын бараа, бүтээгдэхүүний төлбөрийн бараг 60 хувийг рублиэр хийж гүйцэтгэж байгаа аж.