(Bloomberg) -- “SpaceX” компанийн IPO-ийг зохион байгуулах гол банкаар “Goldman Sachs Group” нэрлэгдсэнийг эх сурвалжууд мэдээллээ. Мөн “Morgan Stanley” тэргүүлэх банкнуудын нэгд багтсан байна.

Түүнчлэн “Bank of America”, “Citigroup” болон “JPMorgan Chase” банк “SpaceX”-ийн урьдчилсан мэдүүлэгт цагаан толгойн дарааллаар бичигдсэнийг эх сурвалжууд онцоллоо.

“SpaceX” лхагва гарагт IPO хийх хүсэлтээ албан ёсоор өгөх хүлээлттэй байна. Тус компани IPO-оороо 75 тэрбум ам.доллар татан төвлөрүүлж, зах зээлийн үнэлгээгээ хоёр их наяд ам.доллар хүргэх зорилт тавиад байгаа юм.

Тэрхүү зорилгодоо хүрвэл 2019 онд IPO-оороо 29.4 тэрбум ам.доллар босгосон “Saudi Aramco” компанийг ардаа орхино.