(Bloomberg) -- АНУ-ын Ерөнхийлөгч Дональд Трамп хууль бус цагаачдад банкны үйлчилгээ үзүүлэх асуудлаар зөвлөмж гаргахыг Сангийн сайд болон санхүүгийн зохицуулах байгууллагадаа үүрэг болголоо. Энэ нь цагаачлалын хатуу бодлого барьж буй Дональд Трампын засаг захиргаа хууль бус оршин суугчдын санхүүгийн үйлчилгээ авах боломжийг хязгаарлаж магадгүй байна.

АНУ-ын засаг захиргааны зүгээс банкны нууцлалын хуульд өөрчлөлт оруулахыг зохицуулах байгууллагуудад үүрэг болгосон байна. Үүнд гадаадын консулын үнэмлэхтэй иргэд АНУ-ын санхүүгийн системд учруулж болзошгүй эрсдэлийг харгалзан хэрэглэгчийн бүртгэлийг чангаруулах асуудал багтжээ.

Ингэснээр гэмт хэргийн шинжтэй үйлдлийг банкнууд ажиглаж, арга хэмжээ авахыг хуулиар шаардах юм.