Улаанбаатар хотод орон сууцны түрээсийн үнэ дөрөвдүгээр сарын эцсийн байдлаар өмнөх сараас бүх сегмент дээр үл ялиг буурсан дүнтэй байгааг Үндэсний статистикийн хороо  мэдээллээ.

Энэ дундаа гурван өрөө орон сууцны түрээсийн дундаж үнэ оны эхнээс хамгийн их дүнгээр буюу 230 орчим мянган төгрөгөөр буурчээ.

Сегмент тус бүрээр харахад дөрөвдүгээр сард нэг  өрөө орон сууцны түрээсийн дундаж 1.27 сая төгрөг болж, оны эхэн үед цуглуулсан дата үзүүлэлтээс буурсан байна. Мөн хоёр өрөө орон сууцны түрээсийн дундаж үнэ оны эхнээс 0.06 саяар буурчээ.

Үндэсний статистикийн хороо орон сууцны түрээсийн дундаж үнийг тооцохдоо Улаанбаатар хотын зургаан дүүргийн 18 байршлаар дата нэгтгэж дундаж үнийг гаргаж байгаа юм. Эндээс харахад Сүхбаатарын талбай, 220 мянгат, Зайсан цогцолбор, “River Garden” хотхон орчимд орон сууцны түрээсийн үнэ хамгийн өндөр тогтоогдсон байна.