“Rio Tinto”-ийн Гүйцэтгэх захирал Саймон Тротт группийн хэмжээнд хэрэгжүүлж буй зардал танах үйл ажиллагааг дорвитой түвшинд өргөжүүлнэ гэдгийг хувьцаа эзэмшигчидтэй хийх уулзалтынхаа үеэр мэдээллээ.

Өнгөрсөн онд амлаж байсан 650 сая ам.долларын хэмнэлтийг амжилттай хийж чадсан, цаашдаа үүнээс ч ихийг хэмнэнэ хэмээн тэрбээр онцолжээ.

Ажилтнуудын орон тооны цомхотгол, мөн зарим хөрөнгүүдээ худалдаж, 5-10 тэрбум ам.доллар олох төлөвлөгөө зэрэг нь хэмнэлтийн арга хэмжээнд багтаж магадгүй байна.

Группт хэр их тооны ажлын байр эрсдэлд орж, аль хэлтэс нэгжүүдийг голчлон хамрах талаар Саймон Тротт нарийн мэдээлэл өгөөгүй аж. Гол ажил үүргүүдэд өөрчлөлт орохгүй, зөвхөн компанийн бүтэц зохион байгуулалтын нарийн төвөгтэй байдлыг бууруулахыг зорьж байна гэж тэрбээр тодотгосон байна.