“Газар шим үйлдвэр” ХК 2025 онд үндсэн бүтээгдэхүүн үйлдвэрлэлийн хүчин чадал нь хоёр  дахин нэмэгдэж, үйлдвэрлэх бүтээгдэхүүний тоо 10 сая ширхэг болж, 2023 оноос 34.1 хувиар өссөнийг үйл ажиллагааны тайландаа онцоллоо.

Мөн тайлант хугацаанд зах зээлд шинээр таван төрлийн 22 бүтээгдэхүүн нэвтрүүлж, нийт 70 нэр төрөлд хүрснийг онцолсон байна. Шинэ бүтээгдэхүүн зах зээлд нэвтрүүлсэнтэй холбоотойгоор үйлдвэрлэлийн өргөтгөлийг барьж эхэлсэн, мөн жимс, хүнсний ногооны 2400 тонн багтаамжтай, хөргөлтийн систем бүхий механикжсан агуулахын үйл ажиллагааг ашиглалтад оруулснаа тодотгов.

Үүнээс гадна байгаль орчинд үзүүлэх сөрөг нөлөөллийг бууруулах, усны нөөцийг хамгаалах, мөн үйлдвэрийн хог хаягдлын менежментийн үр ашгийг нэмэгдүүлэх зорилгоор цагт зургаан тонн хаягдал ус урьдчилан цэвэршүүлэх цогц байгууламжтай болсноо мэдээллээ.

“Газар шим үйлдвэр” ХК-ийн хувьцааны ханш он гарсаар 38 орчмоос 45 төгрөгийн хооронд арилжаалагдаж байна. Тус компанийн зах зээлийн үнэлгээ 48.9 тэрбум төгрөг хүрээд байна.