“Премиум Нэксус” ХК-ийн борлуулалтын орлого оны эхний улиралд 24.1 хувиар өссөн байна. Оны эхний гурван сард тус компани нийт 188.9 тэрбум төгрөгийн борлуулалт хийсэн ч нийт ашгийн хэмжээ нь 4.8 хувиар өсжээ. Түлш, шатахууны үнэ нэмэгдэж, тээвэрлэлт импортын зардал өссөн нь компанийн борлуулалтын өртгийг нэмэгдүүлсэн байх боломжтой юм.

Нийт ашгийн маржин агшихын зэрэгцээ зардлууд ч мөн хурдацтай нэмэгдсэн байна. Зардлын дийлэнх хэсгийг бүрдүүлдэг ерөнхий ба удирдлагын зардал 46.6 хувиар өсөж, 12.6 тэрбум төгрөгийн хүрчээ.

Үр дүнд нь тус компани 2026 оны эхний улиралд 3.4 тэрбум төгрөгийн алдагдал тайлагнасан байна.

“Премиум Нэксус” ХК-ийн хувьцааны ханш он гарсаар огцом унасан хөдөлгөөнтэй, Топ-20 индексийн хоёр дахь хамгийн тааруу үзүүлэлттэй хувьцаа болоод байгаа юм.