(Bloomberg) -- Арабын Нэгдсэн Эмират Улс 60 жил түншилсэн OPEC-ийн Өргөтгөсөн  бүлгээс гарахаа мэдэгдсэн нь бусад гишүүн орнуудыг цочрууллаа. Ингэснээр тус бүлэг хурдацтай өөрчлөгдөж буй газрын тосны зах зээлд нөлөөллөө хадгалж үлдэхэд сорилттой тулгарахаар байна.

Абу Даби болон OPEC-ийн Өргөтгөсөн бүлгийн албан бус тэргүүн болох Саудын Арабын удаан үргэлжилж буй зөрчилдөөн ширүүсэж буй энэ үед тус бүлгийн гурав дахь том газрын тос олборлогч гарахаа мэдэгдлээ.

OPEC болон түншүүдийн хувьд энэ алхам нь нийлүүлэлтийг тохируулж, газрын тосны ханшийг удирдах эрх мэдлийг нь багасгана. Харин удаан хугацаанд OPEC-ийн квотын эсрэг зогсож байсан АНЭУ-ын хувьд газрын тосны зах зээлд бие даасан тоглогч болох юм.

Ормузын хоолойгоор дамжих тээвэрлэлт эргэн хэвийн горимд шилжихэд зах зээл болон үнийн өрсөлдөөн эргээд эрчимжих төлөвтэй байна. АНЭУ-ын хувьд аль хэдийн олборлолтоо нэмэгдүүлнэ гэсэн дохио өгөөд буй.

АНЭУ-ын гишүүнчлэлээ цуцлах үйл ажиллагаа өнгөрсөн оны эцэст эрчээ авч эхэлсэн аж. Ираны дайн эцсийн шийдвэр гаргахад хүргэсэн гэж тус улсын Эрчим хүчний сайд мэдээлжээ.

Лхагва гарагийн байдлаар газрын тосны ханш харьцангуй тогтворжоод байна. Ираны талаас Ормузын хоолойг нээх хүсэлт хүргүүлсэн гэх Дональд Трампын мэдэгдлийн дараа брент төрлийн газрын тос баррель нь 111 ам.доллар, төрлийн газрын тос баррель нь 100 орчим ам.долларын ханштай, бага зэрэг буурсан хөдөлгөөнтэй арилжаалагдаж байна.