(Bloomberg) -- ИБУИНХУ-ын Хаан III Чарльз АНУ-ыг олон улсын тавцанд манлайлах байр сууриа хадгалахыг уриаллаа. Мөн Хойд Атлантын гэрээний байгууллага болон Украинд үзүүлэх дэмжлэгээ үргэлжлүүлэхийг хүсэж, тусгаарлах бодлогоос зайлсхийх хэрэгтэйг тодотгов.

Тэрбээр АНУ-ын Конгрессын хамтарсан чуулганы өмнө үг хэлэхдээ ИБУИНХУ, АНУ-ын стратегийн түншлэл, түүхэн холбоо болон нийтлэг үнэт зүйлсийг онцолж, хоёр улсын хамтын ажиллагааг хадгалах нь чухал гэдгийг дурджээ.

Мөн АНУ, Их Британи болон Европ, Хамтын Нөхөрлөлийн орнууд хамтран нийтлэг үнэт зүйлсээ хамгаалах ёстой гэж мэдэгдсэн байна.

Энэ нь Их Британийн Хаан 30 гаруй жилийн дараа ийнхүү илтгэл тавьсан анхны тохиолдол болж байгаа юм.

ИБУИНХУ-ын Хаан III Чарльз

“Есдүгээр сарын 11-ний халдлагын дараахан NATO анх удаа тавдугаар заалтаа хэрэгжүүлж, мөн НҮБ-ын Аюулгүйн Зөвлөл терроризмын эсрэг нэгдмэл байр суурь илэрхийлж байсан тэр үед бид хамтдаа тэр дуудлагад хариу өгсөн. Манай ард түмэн өнгөрсөн нэг зуунаас илүү хугацаанд Дэлхийн II дайн, Хүйтэн дайн, Афганистан дахь ажиллагаанд мөр зэрэгцэн зогсож ирсэн төдийгүй, бидний хамтын аюулгүй байдлыг тодорхойлсон олон чухал мөчид хамт байсаар ирсэн билээ.

Өнөөдөр яг тэрхүү няцашгүй шийдэмгий байдлаар Украин улсыг үнэн зоригт ард түмэнтэй нь хамгаалах зайлшгүй шаардлага үүсээд байна” гэж мэдэгдлээ.