(Bloomberg) -- Сүүлийн үеийн арилжаануудаар БНХАУ-ын цахилгаан автомашин үйлдвэрлэгчдийн хувьцааны ханшийн хөдөлгөөн зөрүүтэй болж ирж буй. Иймд энэ долоо хоногт танилцуулах томоохон компаниудын тайлан БНХАУ-ын цахилгаан автомашин үйлдвэрлэгчдийн хувьцааны өрсөлдөөнд ямар чиг хандлага давамгайлахыг тодорхойлохоор байна. Тухайлбал: “BYD” гурав дахь улиралдаа дараалан борлуулалтын орлого нь буурсныг тайлагнах хүлээлт давамгайлж байгаатай зэрэгцэн хувьцааны ханш нь сүүлийн арилжаануудад дотоодын өрсөлдөгчдөөсөө хоцорч байгаа юм.

Харин “Geely Automobile Holdings”-ийн борлуулалт хоёр оронтой тоогоор өсөх төлөвтэй байгаа энэ үед тус компанийн хувьцааны ханш эрчимжсэн хөдөлгөөнтэй байна.

Хөрөнгө оруулагчдын хувьд анхаарах гол үзүүлэлтийн нэг нь гадаад зах зээлийн өсөлт байгаа юм. Учир нь энэхүү үзүүлэлт БНХАУ-ын дотоодын эрэлт сул байгаа үед ашигт ажиллагааны дарамтаа нөхөж чадаж буй эсэхийг харуулах юм.

Тайлан гарахын өмнө шорт арилжаачид “BYD”-ийн хувьцаанд уналтын позицоо нэмэгдүүлсэн бол “Geely Automobile Holdings”-ийн эсрэг бооцоогоо багасгасан хөдөлгөөнтэй байна.