(Bloomberg) -- Дайнаас үүдэлтэй газрын тосны үнийн өсөлт үйлдвэрлэлийн зардлыг нэмэгдүүлснээр БНХАУ-ын экспортлогчид бүх төрлийн бараа, бүтээгдэхүүнийхээ үнийг нэмж эхэллээ.

Гуравдугаар сард 10 гаруй нэр, төрлийн бараа, бүтээгдэхүүний үнэ өмнөх оны мөн үеэс эрс өссөнийг БНХАУ-ын гаалийн статистик мэдээлэлд хийсэн “Bloomberg”-ийн тооцоолол харуулж байна. Ингэснээр сүүлийн жилүүдэд дэлхийн инфляцыг тогтоон барихад тусалж байсан БНХАУ-ын экспортын үнийн уналт дуусаж магадгүй байна. Тухайлбал: синтетик мяндас ашиглан үйлдвэрлэдэг хувцасны үнэ 3-5 орчим хувиар өссөн аж. Түүхий эд нийлүүлэгчид мяндасны үнийг бараг өдөр бүр шинэчлэн тогтоож байгаа юм.

Түүнчлэн резин, хуванцар болон газрын тосноос гаралтай химийн бодис ашигладаг бүтээгдэхүүнүүдийн үнэ огцом нэмэгдсэн байна. Ялангуяа эмнэлгийн тариурын үнэ сарын дотор 20 гаруй хувиар өсжээ.

Гэр ахуйн цахилгаан хэрэгсэл үйлдвэрлэгчдийн хувьд газрын тосны зардлаас гадна металл, хагас дамжуулагчийн үнийн өсөлтөөс үүдэн хоёр талын шахалтад орж байна.