(Bloomberg) -- 2026 оны эхний улиралд Германы автомашин үйлдвэрлэгч “Mercedes-Benz” группийн олон улсын нийлүүлэлт зургаан хувиар буурч, 500 мянгаас доошиллоо. БНХАУ-д өрсөлдөөн ихтэй байгаатай холбоотойгоор борлуулалт нь буурснаар Европ болон АНУ дахь өсөлтийг хойш татжээ.

Тайлант хугацаанд “Mercedes-Benz”-ийн БНХАУ дахь борлуулалт 27 хувиар буурч, IV улирлын 19 хувийн уналт гүнзгийрсэн байна.

БНХАУ-д тансаг зэрэглэлийн автомашины эрэлт сул хэвээр байгаатай зэрэгцэн дотоодын брэндүүд нь зах зээлийн хувиа нэмэгдүүлсээр байгаа юм.

Харин энэхүү өрсөлдөөнд тэсвэрлэхийн тулд компани тэргүүлэх загвар болох “Mercedes-Benz S-Class”-аа шинэчлээд буй. Ингэснээр БНХАУ-ын “Huawei Technologies” компанийн “Maextro S800” седан зэрэг гол өрсөлдөгчдөөс зах зээлээ хамгаалахыг зорьж буй.