Монголын Хөрөнгийн биржид бүртгэлтэй Төрийн өмчит компаниудын хувьцааны ханш 2026 он гарсаар өмнөх оны мөн үетэй харьцуулахад  30 хүртэлх хувийн өсөлттэй байна.

Энэ оны эхнээс эдгээр компанийн хувьцааны ханш уналттай байгаа  ч жилийн хугацаанд ТОП-20 индексийн өсөлтийг давсан үзүүлэлттэй байгааг онцолж болохоор байна.

Пүрэв гарагийн арилжаагаар “Монголын Хөрөнгийн бирж” ХК-ийн нэгж хувьцааны ханш 10 хувиар огцом буурахаас өмнөх өдрийн хаалтаар тооцоход сүүлийн нэг жилийн хугацаанд 38 орчим хувийн өсөлттэй байна.

Түүнчлэн “Тавантолгой” ХК-ийн хувьцааны ханш оны эхээр өндөр өсөлттэй байсан ч хоёрдугаар сарын эцсээр огцом уналтад орсон юм. Харин Төрийн банкны хувьцаа харьцангуй бага савлагаатай арилжаалагдаж байна.