(Bloomberg) -- Хоёрдогч зах зээлд “OpenAI”-ийн хувьцааны ханш унаж, зарим тохиолдолд худалдан авагч олох боломжгүй нөхцөл байдал үүсээд байна. Хөрөнгө оруулагчид өрсөлдөгч “Anthropic”-ийн хувьцааг худалдан авах сонирхол өндөртэй байгаа нь голлон нөлөөлж эхэлжээ.

“OpenAI” сүүлийн саруудад хэдэн арван тэрбум ам.долларын хөрөнгө оруулалт татахыг зорьж байсан ч “Next Round Capital”-ийн үүсгэн байгуулагч Кен Смит хоёрдогч зах зээлд “OpenAI”-ийн хувьцааны эрэлт буурч буйг мэдэгдсэн байна.

Сүүлийн хэдэн долоо хоногт хедж сангууд, томоохон хувьцаа эзэмшдэг венчур капиталын компаниуд зэрэг институцын хөрөнгө оруулагчид 600 сая орчим ам.доллароор үнэлэгдэх “OpenAI”-ийн хувьцааг зарсан гэж тэрбээр мэдээлжээ.

Өнгөрсөн оны өдийд “OpenAI”-ийн хувьцааг худалдан авах өрсөлдөөн маш өндөр байсан бол одоо нөхцөл байдал огт өөр болсныг харж болохоор байна.