(Bloomberg) --  АНУ болон Иран Ойрх Дорнод дахь дайныг эцэслэхэд нээлттэй гэсэн дохио өгснөөр алтны ханш арилжааны гурван өдөр дараалан ногоон бүсэд хадгалагдаж байна. Хэдий тийм боловч сарын дүнгээр дэлхийн санхүүгийн хямрал буюу 2008 оноос хойших хамгийн тааруу үзүүлэлттэй арилжааны сарыг үдлээ. Гуравдугаар сард алтны үнэ 12 хувиар суларсан юм.

Мягмар гарагийн арилжаагаар 3.9 хүртэлх хувиар чангарч, сүүлийн нэг долоо хоногийн дээд түвшинд хүрчээ. Сүүлийн байдлаар унц нь 4713 ам.доллароор арилжаалагдаж байна.

Харин мягмар гарагт 7.3 хувиар чангарсан мөнгөний ханш сүүлийн байдлаар унц нь 75 ам.долларт тогтворжлоо.

Сингапур олон улсын алтны арилжааны цөм болох зорилтын хүрээнд алт хадгалах байгууламжаа өргөтгөх асуудлыг хэлэлцэж буй. Тухайлбал: “Changi” нисэх онгоцны буудлын ойролцоох талбай зэрэг хэд хэдэн боломжит байршлыг үнэлж буйг ойрын эх сурвалж мэдээлсэн байна.

Дэлхийн Алтны Зөвлөлөөс тайлагнаснаар Төв банкнууд нийт 39 мянган тонн алт эзэмшиж байгаа нь хүн төрөлхтний түүхэнд олборлосон нийт алтны 18 хувийг эзлэх дүн юм.